用心、細心、稱心

多謝小朋友用心地幫阿din選擇稱心既notebook~

多謝小朋友用心地花上寶貴的時間幫阿din安裝所需軟件~

多謝小朋友細心地自行幫阿din選購配件(包括usb plus, 風扇, 字碼貼紙) hee~

Happy 1000 (26-27/09/09)

百忙中，仍要抽出時間慶祝一下大日子~ hee

今次揀左長洲，諗住book B & B~

點知想租貴d既房都唔得，竟然full晒~

唯有book間平d既房喇~

點解次次我都好似攞住咁多野既~ 哈

估唔到今次都係會撞到熟人~

今次撞見既係一個二年級學生(我教佢常識)~

佢o係船度一見到我，佢都呆住咁望住我，相反我都係呀~

o係船都撞見，搞錯~

一到長洲我地就去到允升食甜品~ hee

又買薯片食，小朋友罕有地一次過食咁多~ 哈

coz阿din實在忍唔到口呀~

夜晚我地就去海旁食海鮮喇~

我地入左咁多次，今次係第一次食，coz阿din驚敏感~

實在太多人喇，坐唔到最近既海邊，都唔緊要啦~

食食下，驚嚇事件就發生喇，就係突然有隻貓出沒~

阿din就係最驚接觸毛"神神"既動物~

一路食一路驚佢地行埋黎，點知佢地o係我附近停留~唉

你地快d走啦~

一走開，又突然好似哈佬喂咁噗出黎 好驚呀!

點知又撞見熟人，就o係便利店見到小朋友既鄰居wor~

實在太攰，最終放棄十一點出去食小食呢個行動喇~

第日，出返去見下錫仔，佢扮晒野呀，唔理人~ 車 學校扮野，出到街都扮野~

夜晚小朋友到我家吃晚飯lu~

君皓的滿月宴 (30/08/09)

今晚係穎晞既細佬君皓的滿月宴~

B & D帶埋禮物到賀，係d衫仔黎，連晞晞都有份，一人一盒~

佢既size好的式呀!

我實在太驚整親佢，唔敢抱佢~

晞晞真為食，佢見到包西瓜味軟糖就愛不釋手~

一見到橙汁，一氣飲晒咁制~ 哈

宴席間，我地B & D被人踢爆早排去結婚展~

小朋友仲被佢姨丈笑下一站到佢請客~ 呵

仲介紹見證律師俾我地tim，可以平d~ 哈

仲有免費花仔花女服務提供俾我地wor~

人地面紅呀!唔知點回應~

"雲"遊會展

今日同小朋友一齊到會展睇電腦展!

朝早都咁多人既?!下午實水洩不通~

場內設有多個攤位，唔知係咪阿din冇野要買既關係，越行越眼訓wor~

見到既顏色淨係得黑色同銀色喇~

小朋友見到我咁，行多陣就冇行喇~

你係frankie，我係jolly! heehee

之後，我地就去結婚展喇~

可能算早啦，唔係太多人~

一入到去，就係咁被人圍住呀!

係咁派單張俾你，有影相啦，有酒樓啦，有服裝等等~

其中一檔係台灣澎湖影相，我地坐低聽佢介紹wor~

佢女人咁勁既，完全估到我地兩個係做咩工作!

但有樣野佢就估錯喇，佢估我地兩個係1987/1988年出世~ 唔係呀?! (乜望落真係咁後生咩?!)

佢知道我地真實年齡後，完全唔相信，話我地baby face wor~

小朋友覺得唔好wor，哈~ 我話係好事黎，第時見家長，d老師會話咁後生既?!唔通係哥哥?!+

佢又讚小朋友對眼靚，我都覺得!

越行就越多人纏住，又覺得眼訓wor，好想出去喇~

最後都要被人圍住一次，又係台灣既，但我地覺得佢地d相唔太得，d特別效果唔整好過整!

小朋友問有冇後悔入黎睇，哈~ 都有d，coz d人實在太煩~

小朋友話今日實唔會再入去!

我地仲行埋家居用品展，coz隅飛是送埋的~

但我地覺得唔值得俾錢去睇呀!

咩wor?! 主角就要做多d野，配角就到時出現下，唔使做?!

咁就錯喇，主角應該至唔使做，等埋位，配角先要做多d~ 傻

交換手信(14/08/2009)

今日約左慧慧o係上水廣場既pizza hut食tea~

目的就係交換手信喇~

慧慧既手信係o係墾丁買回來~

佢話木牌中的公仔像我wor，呵~

好彩佢只係滯留一日就可返香港~

而我就買左佢鍾意飲既益力多俾佢喇~

期間，想不到離開香港幾日，事情有突破性既發展呀!

期待收到喜訊